සුරංග සංජීව - (තට්ටන්කොටුව,පට්ටිවෙල) මම වසර 12ක් පමණ ලොකුලූනූ වගා කරනවා.ලූනූ ගොවියාට පසුගිය වසරවල සිදුවූ අසාධාරණකම් නිසා වගාව කෙරෙහි කලකිරී සිටියා. මම පුරුද්දට මෙන් මෙවර වගා කළේ අක්කරයක පමණ සුළු ප්‍රමාණයක්.මේ වනවිට ආර්ථික වෙළෙඳ මධ්‍යස්ථානයේ කිලෝව රුපියල් 110/= දක්වා ඉහළ ගොස් තිබෙනවා. කෙසේ වෙතත් ලූනූ ගොවියා ආරක්ෂා කිරීමට බලධාරීන් නිසි පියවර නොගැනීම නිසා ගොවියා එම වගාවෙන් ඈත්වී සිටිනවා. පසුගිය වසරවල අපේ ගමේ ගොවින් 20ක් 30ක් ලූනූ වගා කළත් මෙවර වගා කළේ තුන් හතරදෙනයි.
පී.කේ.ඩී.විජේසිරි මීවලපතහ -අපේ ගමේ ලූනු වගාකළේ දෙදෙනයි. අස්වැන්නට නිසි මිලක් නොලැබීම වගා හානි වන්දි නොලැබීම ,ගුණාත්මක බීජ ලබාගැනීමේ දුෂ්කරතා , ආදී හේතු නිසා ගොවියන් වගාව කෙරෙහි කළකිරීමට පත්වී සිටිම ඊට හේතුවයි. ගොවීන්ගේ ගැටලු විසඳා දීමට බලධාරීන් පියවර නොගතහොත් එම වගාව ශ්‍රී ලංකාවෙන් ඉවත්වන දිනය වැඩි ඇතක නොවෙයි.
මාතලේ දිස්ත්‍රික්කය
මාතලේ දිස්ත්‍රික්කයේ ලොකු ළූණු වගාකරුවන්ගේ අස්වනු සඳහා මෙවර ඉහළ මිලක් හිමිවී තිබේ.
මාතලේ දිස්ත්‍රික්කය තුළ පමණක් මෙවර ලොකු ළූණු වඟාකර ඇති භූමි ප්‍රමාණය හෙක්ටයාර් 800කි.
ගොවීන් ප්‍රකාශ කළේ, 2014 වර්ෂයේ හෙක්ටයාර් 2800ක් වඟා කළ අතර පසුගිය කාලයේ ලොකු ළූණු සඳහා ඉහළ මිලක් නොතිබීම නිසා ගොවීන් එම වගාවෙන් ඉවත්ව සිටි බවයි.
වසර කිහිපයකට පසුව තම අස්වනු සඳහා ඉහළ මිලක් ලැබීම හේතුවෙන් තමන්ට ඉදිරියේදී ලොකු ළූණු වගාව සඳහා යොමුවිය හැකි බව ද ඔවුහු පවසති.
කෙසේ වෙතත් ගොවීන්ගේ ඉල්ලීම වන්නේ ලොකු ළූණු සඳහා ඉහළ තත්තවයේ බීජ,පොහොර සහනාධාර සහ වඟාවට අවශ්‍ය තාක්ෂණික දැනුම ගොවීන්ට ලබාදීමෙන් තත්ත්වයෙන් උසස් ලොකු ළූණු අස්වැන්නක් ලබාගත හැකි බවයි.
ගොවීන් ප්‍රකාශ කළේ, 2014 වර්ෂයේ හෙක්ටයාර් 2800ක් වඟා කළ අතර පසුගිය කාලයේ ලොකු ළූණු සඳහා ඉහළ මිලක් නොතිබීම නිසා ගොවීන් එම වගාවෙන් ඉවත්ව සිටි බවයි.
වසර කිහිපයකට පසුව තම අස්වනු සඳහා ඉහළ මිලක් ලැබීම හේතුවෙන් තමන්ට ඉදිරියේදී ලොකු ළූණු වගාව සඳහා යොමුවිය හැකි බව ද ඔවුහු පවසති.
කෙසේ වෙතත් ගොවීන්ගේ ඉල්ලීම වන්නේ ලොකු ළූණු සඳහා ඉහළ තත්තවයේ බීජ,පොහොර සහනාධාර සහ වඟාවට අවශ්‍ය තාක්ෂණික දැනුම ගොවීන්ට ලබාදීමෙන් තත්ත්වයෙන් උසස් ලොකු ළූණු අස්වැන්නක් ලබාගත හැකි බවයි.
No comments:
Post a Comment