බඩ ඉරිඟු කරලත් පිටරටින් ලංකාවට ...

බඩ ඉරිඟු මෙට්‍රික් ටොන් 70,000 ක් ආනයනය කිරීමට සැලසුම් කර ඇතැයි කෘෂිකර්ම දෙපාර්තමේන්තුව පවසයි.

කෘෂිකර්ම දෙපාර්තමේන්තුවේ අධ්‍යක්ෂ ජනරාල් ඩබ්ලිව්. එම්. ඩබ්ලිව් වීරකෝන් මහතා සඳහන් කළේ, මෙවර අපේක්ෂිත බඩ ඉරිඟු අස්වැන්න මෙට්‍රික් ටොන් 350,000 ක් බවයි.

එහෙත් මෙවර ලැබී ඇති බඩ ඉරිඟු අස්වැන්න මෙට්‍රික් ටොන් 270,000 ක් පමණ වේ.

පැවති වියළි කාලගුණය හේතුවෙන් මෙවර අපේක්ෂිත අස්වැන්න ලබා ගැනීමට නොහැකිවූ බව ඩබ්ලිව්. එම්. ඩබ්ලිව් වීරකෝන් මහතා ප්‍රකාශ කළේ ය.

සහල්වලින් රට ස්වයංපෝෂිත කරන්නේ කොහොමද ?

ශ්‍රී ලංකාව පෙර අතීතයේ හැඳින්වූයේ පෙරදිග ධාන්‍යාගාරය ලෙසයි. එයට ප්‍රධාන හේතුව වූයේ ශ්‍රී ලංකාවාසීන්ගේ ප්‍රධාන ජීවනෝපාය කෘෂි කර්මාන්තය වීමත් අවශ්‍ය තරම් බත සැපයීමට ගොවියා සමත් වූ නිසාත්ය.

එකල ජනගහනය අද තරම් ව්‍යාප්ත ​ෙනාවුණද බොහෝ දෙනෙක් කෘෂිකර්මාන්තයේ නියැළෙමින් තුන් වේලම බත බුලතින් සරුසාර කිරීමට සමත් වූහ. කාලයාගේ ඇවෑමෙන් ජනගහනය වර්ධනයවීමත් කෘෂි කර්මාන්තයෙන් ඈත්වීමත් දියුණු වන ලෝකයත් සමග බොහෝ දෙනෙකු වෙනත් රැකියා සඳහා යොමුවීමත් කෘෂි කර්මාන්තයට ද බෙහෙවින් බලපෑවේය.


කෘෂි කර්මාන්තයට කණ කොකා හැඬීමත් සමග බොහෝ දෙනෙක් තුන් වේලටම කෑ බත් පත වෙනුවට වෙනත් අල භෝග වර්ගවලට ද පුරුදු වූහ. ක්‍රම ක්‍රමයෙන් ජනගහනය වර්ධනය වීමත් රටේ ජනතාව කාර්යය බහුල වීමත් නිසා තුන් වේලට බත් කෑ ජනතාව අද එදිනෙදා කුසගින්න නිවා ගැනීමට කුමන හෝ කුඩා ආහාරයකින් සප්පායම් වෙයි. පෝෂණය අඩුවීමෙන් මේ නිසා අද කුඩා දරුවාගේ සිට වැඩි මහල්ලා දක්වාම විවිධ වූ රෝගවලට මුහුණ පා සිටිති.